index introductio imagines || partitura exemplar translatio

e-mail

CTH 384.1

Exemplar --

Citatio: E. Rieken et al. (ed.), hethiter.net/: CTH 384.1 (Expl. --, 29.10.2017)

§ 1

1 -- [A]NA dUTU URUPÚ-na GAŠAN-YA GAŠAN KUR.KURMEŠ URUḫatti MUNUS.LUGAL ŠAME Ù ERṢETIM

§ 2

2 -- dUTU URUPÚ-na=z(a) GAŠAN-YA KUR-eaš ḫūmandaš MUNUS.LUGAL-aš

3 -- nu=z(a)=kan INA KUR URUḫatti dUTU URUPÚ-na ŠUM-an daišt[a]

4 -- namma=ma=z(a) kwit KUR-e GIŠERIN-aš iyat

5 -- nu=z(a)=kan dḫepat ŠUM-an daišta

6 -- ammuk=ma=z(a) fpuduḫepaš annalliš GÉME-[K]A

7 -- ŠA É.GU4=du=z(a) AMAR-uš

8 -- šamanaš=ma=ddu=z(a) [N]A4-aš

9 -- nu=mu GAŠAN-YA šarā datta

10 -- nu=mu ANA mḫattušili ARAD-KA kwedani arallāet

11 -- nu=kan apāšš=a pula[z] ANA d10 URUnerik DUMU-KA āššiyanti ḫaptat

12 -- nu=nnaš dUTU URUPÚ-na GAŠAN-YA kwedani pedi tittanut

13 -- n=at tuel aššiyantaš DUMU-aš ŠA dIM URUnerik AŠRU

14 -- [ḫ]antezziuš=ma=at LUGALMEŠ maḫḫan [a]rḫa pittalāer

15 -- n=at dUTU URUPÚ-na GAŠAN-YA [š]akti

16 -- ḫantezziuš LUGALMEŠ kwiēš ešer

17 -- dUTU URUPÚ-na GAŠAN-YA kwedaš GIŠTUKULMEŠ SUM-an ḫarta

18 -- [araḫzen]aš KUR.KURMEŠ LÚKÚR taruḫḫišker

19 -- [URUne]riqqan=ma URU-an appanna UL kwi[šk]i [šan](a)ḫta

20 -- ARAD-KA=ma kwiš mḫattu[šiliš ... ]

21 -- [dUTU U]RUPÚ-na GAŠAN-YA kwin kinun ša[nḫ(a)tti]

22 -- [n=aš] UL LUGAL-uš ēšta

23 -- DUMU.LUGAL-aš ē[šta]

24 -- [URU]neriqqaš=ši=kan URU-aš appanna ešta

25 -- URUneriqqan=man UR[U-an … ] UL taruḫta

26 -- nu=šši apēl Š[EŠ-ŠU t]amai KUR.KURḪI.A [p]ešket

27 -- [UR]Uḫattušann=a=ši šakuw[a- ... ]

28 -- [ ... URU]kātapann=a pešt[a ... ]

29 -- [dUT]U URUPÚ-na=at GAŠAN-YA [ ... ]

30 -- [ ... ] d10 URUn[e]r[ik ... ]

31 -- [ ... ]

§ 3'

32 -- [AN]A KUR URUn[er]ik Ù ANA KUR URU[ḫakpiš ap]ēl SAG.DU-an apēll=a [ … ušš]anišket

33 -- kwitman ANA LU[GAL … mena]ḫḫanda KASKAL-an iyat

§ 4'

34 -- maḫḫan=ma=z(a) mmūwatalli[š ap]ē[l ŠEŠ-ŠU] DINGIR-LIM-iš kišat

35 -- murḫi-dIM-upa[n DUMU-a]n Š[EŠ-ŠU d]atta

36 -- n=an LUGAL-weznanni ti[ttanut]

37 -- nu=kan mḫattušilin ARAD-KA ANA URUneriqqa maḫḫan and[a ... ]

38 -- n=at dUTU URUPÚ-na GAŠAN-YA šakti

39 -- EN-ŠU=an parḫišket

40 -- DUMUMEŠ.LUGAL=ya=an [ ... w]erešker

41 -- ANA URUneriqqa=wa [ ... ]

42 -- [ … ša]kti

43 -- apāš=ma apēl ḫarga[n ap]ēll=a ḫinkan UL kapp[uwāet]

44 -- [nu A]NA URUneriqqa šer aggatar ē[pta]

45 -- [app]anna=wa URUneriqqan par[ā … ]

46 -- [ ... ]-n=an kwit kwit ḪUL-aḫ-[ ... ]

47 -- [ ... tu]ḫḫušta=pat

48 -- [ ... URUn]eri[qq]a arḫa [ ... ]

49 -- [ ... ] U[L daḫ]ušiy[aḫta]

50 -- [ ... DIN]GIRMEŠ-aš=z[(a)]

§ 5''

51 -- [ ... -y]a=nnaš parkunummeni

52 -- [namma=šm]aš ANA DINGIRMEŠ QATAMMA peran EGIR-pa [uwaw]eni

53 -- nu=nnaš šumel ŠA DINGIRMEŠ išḫiūl [ḫazz]iwi QATAMMA katta aūmmeni

54 -- [URUDIDLI.ḪI].A=ma=šmaš=kan DINGIRMEŠ kwit EGIR-pa ištappanteš [ḫarke]r

55 -- nu ANA DINGIRMEŠ annalliuš EZEN4MEŠ [MUKAM IT]UKAM=ya ēššanzi

56 -- nu=šmaš=kan DINGIRMEŠ ENMEŠ-YA [ … l]ē namma ištappanteš

57 -- k[witm]an=maš3 šumel ARAD-KUNU GÉME-KUNU per[a]n EGIR-pa uwaweni

§ 6''

58 -- nu=z(a) kī uttar ANA dUTU URUPÚ-na GAŠAN-YA GAŠAN KUR.KURMEŠ URUGIDRU-ti MUNUS.LUGAL ŠAME Ù ERṢÉTIM ammuk fpuduḫepaš GÉME-KA arkuwar iyanun

59 -- nu=mu dUTU URUPÚ-na GAŠAN-YA kāri tiya

60 -- nu=mu ištamaš

61 -- ANA DUMU.NAM.LÚ.U19.LU=pat=kan anda memian kišan memiškan[z]i

62 -- ḫarnāuwaš=wa MUNUS-nī DINGIR-LUM kāri tiy[az]i

63 -- ammuqq=a=z(a) fpuduḫepaš ḫarnāwaš MUNUS-z[(a)] ANA DUMU-KA šer SAG.DU-az piyan ḫarmi

64 -- nu=mu dUTU URUPÚ-na GAŠAN-YA kāri tiya

65 -- nu=tta [ … ] kwit

66 -- n=at=mu pāi

67 -- ANA m[ḫattušili AR]AD-KA TI-tar pāi

68 -- [ … ] dMAḪMEŠ-az MUḪI.A UDḪI.A [ … piy]anteš [ … ]

69 -- [ ... ]-uwallaš5 DINGIR-LIM-iš [ ... ḫ]arti

70 -- DINGIRMEŠ-eš ḫūmante[š … tuliy]an ḫarkanz[i]

71 -- [ ... ] kwiški ḫalzāi

72 -- [ŠA mḫattušili=ma T]I-tar DINGIRMEŠ-aš ḫūmand[aš … p]edi wēk

73 -- wekuwar[=ta šakuwa]ššaraš ZI-aš ēšdu

74 -- [ … UR]UPÚ-na G[AŠAN-Y]A kwit kaništa

75 -- [ ... ]-ta [ ... ]-walatar ZAG-ašš=a=pat [ ... ]

76 -- [A]NA [ ... ]-ešnaš ZI-ni naḫḫ[a- ... ]

77 -- [ ... ŠA dUT]U URUPÚ-na GAŠAN-YA ZI-an GI[M-an ... ]-mi

78 -- n=at dUTU URUPÚ-na GAŠ[AN-YA ša]kti

79 -- [ ... ]

80 -- [n]u=za=kan kēdani memin[i ... ]

81 -- [ ... ] wekuwar EGIR-pa [ ... ]

§ 7''

82 -- [ ... ]-a MUNUSÉ.GI4.A [ ... ]

83 -- [ ... udd]anī naḫḫ[a- ... ]

84 -- [ ... ] dUTU URUPÚ-n[a ... ]

85 -- [ ... a]rti [ ... ]

86 -- [ ... ] ša [ ... ]

87 -- [ ... -t]a [ ... ]

§ 8'''

88 -- nu [ ... ]

89 -- ḫi-[ ... ]

90 -- d[ ... ]

91 -- [ ... ]

92 -- e-[ ... ]

93 -- d[ ... ]

94 -- [ ... ]

95 -- [ ... ]

96 -- [dlili]waniš G[AŠAN]-YA AN[A … ] mematti

97 -- pianz[i= ... ]

98 -- [ ... -y]anaš=mu=kan ḫarpiya[ḫḫut]

99 -- k[ū]n=z(a)=kan kwin memian UN-n[i … ] ištamaššun

100 -- nu=mu peran :[ ... ]

101 -- ARAD-KA kwiš mḫattušiliš [ ... ]

102 -- nu=šši=kan PANI murḫi-d10-up kwit U[N-naš] andan memier

103 -- maninkuwantaš=wa [ ... ]

104 -- nu mān mḫattušiliš ARAD-K[A] šumaš DINGIRMEŠ-aš peran IŠTU ŠU AMILUTTI iyanz[(a)]

105 -- našma=šši=kan DINGIRMEŠ UGU DINGIRMEŠ ŠAPLITI kwiški ḪUL-uwanni EGIR-an šarā tiyan ḫarzi

106 -- našma piyan kwiški ŠA mḫattušili ḪUL-wanni še[r] ANA DINGIRMEŠ piyan ḫarzi

107 -- nu=z(a) DINGIR-LUM [GAŠA]N-[Y]A a[p]ē ḪUL-uwa AWATEMEŠ lē [išt]amatti

108 -- n[u=ka]n ANA mḫattušili ARAD-K[A … ] parā lē tarnatti

109 -- nu=nnaš DINGIRMEŠ ENM[EŠ DINI] aršanattallaš Ḫ[UL- ... ]-aš pe[r]an [l]ē neya[tteni]

110 -- [ … ]=an DINGIR-LUM GAŠAN-Y[A] TI-nuši

111 -- nu=kan ANA DINGIRMEŠ še[r … p]arrand[a] mematti

112 -- nu kē ḪUL-u[wa … G]ÌRMEŠ-i[t] išparratti

113 -- n=at ar[ḫa ... -y]aši

114 -- nu=kan tuk ANA dliliwan[i … ] ŠA mḫattušili ARAD-KA Ù [ŠA fpuduḫ]e[pa] GÉME-KA TI-[tar] PANI DINGIRMEŠ tueda[z K]AxU-a[z wedd]u

115 -- nu ANA mḫattušil[i ARAD-K]A Ù ANA fpuduḫepa GÉME-KA MUḪI.A ITUḪI.A UDḪI.A=ya [dalug]aēš pāi

§ 9'''

116 -- nu=kan mān dliliwa[ni]š GAŠAN-YA [ … pa]rranda aššu mematti

117 -- AR[AD-K]A mḫattušilin TI-nuši

118 -- MUḪI.A=ši ITUKAM.ḪI.A UDḪI.A dalugaēš pešti

119 -- nu uwami ANA dliliwani GAŠAN-YA ALAM KÙ.BABBAR ŠA mḫattušili mḫattušiliš mašiwanz(a) SAG.DU-ZU ŠUM[EŠ-Š]Ú GÌRMEŠ-ŠÚ ŠA GUŠKIN iyami

120 -- arḫaya[n=m]a=kan kanganumi

§ 10'''

121 -- dzintuḫīš GAŠAN-YA ŠA dIM dUTU URUPÚ-na=ya āššiyanz(a) ḫaššaš

122 -- ANA dIM=za Ù ANA dUTU URUPÚ-na UZUGABA-aš TUDITTUM

123 -- nu=ddu=z(a) lammar lammar katta uškanzi

§ 11''''

124 -- [ … ] par[randa mematt]i

125 -- [ ... ]

126 -- [n]u=z(a) dzintuḫīš GAŠAN-YA [ … p]arā ḫandandatar [ … ]

127 -- nu=kan dIM-ni tuel ḫuḫḫi [Ù ANA] dUTU URUPÚ-na tuel ḫanni [ŠA mḫa]ttušili ARAD-KA TI-tar MUḪI.A GÍD.DA=ya [parā] arnut

128 -- nu=šmaš=at=kan KAxU-az weddu

§ 12''''

129 -- [ … m]ān dzintuḫ[īš GAŠ]AN-YA kē AWATEMEŠ [išt]amašti

130 -- n=at ANA dIM tuel ḫuḫḫi [Ù] ANA dUTU URUPÚ-na tuel ḫanni parā arnuši

131 -- [nu AN]A dzintuḫī GAŠAN-YA [šal]lin unuwašḫan iyami

§ 13''''

132 -- [zik=z(a)] dmezzulla [GA]ŠAN-Y[A ANA] dIM-za9 [Ù] ANA dUTU URUPÚ-na āššiyanz(a) DUMU.MUNUS-aš

133 -- [ANA] dIM ABI-KA Ù ANA dUTU URUPÚ-na AMA-KA [kwi]t zik dmezzullaš GAŠAN-YA mematti

134 -- [n=a]t ištamaššanzi=pat

135 -- UL=at=kan waḫnuwanzi

136 -- [ammu]qq=a=z(a) fpuduḫepaš GÉME-KA kē kwe AWATEMEŠ [ANA] dIM ABI-KA Ù ANA dUTU URUPÚ-na AMA-KA [ark]uwar iyanun

137 -- n=at=mu dmezzullaš GAŠAN-YA [tarkum]māi

138 -- n=at ANA dIM ABI-KA [Ù] ANA dUTU URUP[Ú-n]a AMA-K[A p]arā arnut

139 -- [nu=mu=k]an uwāi[nut]

§ 14''''

140 -- [nu m]ān dmezzu[llaš GAŠA]N-YA k[ē] AWAT[EME]Š [ANA d]IM ABI-KA Ù [ANA] dUTU UR[U]a[rinna] AMA-KA [parā a]rnuši

141 -- uwā[inuši=y]a

142 -- nu ANA dmezzulla GAŠAN-YA [ ... I]ŠTU NAM.RA ku-[ ... ] peḫḫi

§ 15''''

143 -- [ … URUzip]palanda EN-YA [ … AN]A dUTU URUPÚ-na āššiyanz(a) DUMU-aš

144 -- [kwit ANA dIM AB]I-KA Ù ANA dUTU URUPÚ-na AMA-KA tarkumm[aiši]

145 -- [ … ] ABU-KA dUTU URUPÚ-na AMA-KA tuel memi[an … w]aḫnuwanzi

146 -- ištamaššanzi=ta

147 -- nu=z(a) kūn kwi[n … ] ammuk fpuduḫepaš GÉME-KA arkuwar i[yami]

148 -- nu=mu zik dIM URUzippalanda EN-YA tarkummāi

149 -- n=a[n=kan p]arā arnut

150 -- DINGIR-LUM=mu EN-YA kēdani memini kari tiya

151 -- ḫarnāwaš=z(a) kwit MUNUS-z(a) ANA DINGIR-LIM EN-YA šer S[AG.D]U-z(a) šarninkan ḫarmi

152 -- nu=mu=kan DINGIR-LUM EN-YA ANA d[IM] ABI-KA Ù ANA dUTU URUPÚ-na AMA-KA uwāinut

153 -- mḫattušili[šš]=a ARAD-KA ANA ZI DINGIR-LIM šer dariyat

154 -- nu=z(a) apē[l SA]G.DU-an ZI-ŠÚ=ya uššanišket

155 -- kwitman [ŠA DING]IR-LIM EN-YA URUneriqqan āššiyant[an UR]U-an EGIR-pa wetet

156 -- nu=kan ziqq=a DINGIR-LUM [EN-Y]A ANA mḫattušili ARAD-KA aššuli ḫa[r]p[iy]aḫḫut

157 -- nu=z(a) kē kwe AWATEMEŠ ANA dIM ABI-KA Ù ANA dUTU URUPÚ-na AMA-KA arkuwar ēššaḫḫi

158 -- n=at=mu d10 URUzippalanda EN-YA parā arnut

§ 16''''

159 -- nu=mu mān kē AWATEMEŠ d10 URUzippalanda EN-YA ANA dIM ABI-KA Ù ANA dUTU URUPÚ-na AMA-KA parā arnuši

160 -- ANA mḫattušili ARAD-KA ḪUL-uwaz [ ... ]

§ 17''''

161 -- [ ... -y]a KUŠARITUM GUŠKIN ŠA 2 MA.NA iyami

162 -- [ ... iy]ami

163 -- [ ... ] URUpuputanan=ma ANA DINGIR-LIM [ ... ]-riwanta